കേരളത്തിലെ അനാഥരായ പെൺകുട്ടികൾക്കും പ്രായമായ സ്ത്രീകൾക്കും സൗജന്യമായി വീടുകൾ നിർമ്മിക്കാൻ ശോഭ ശോഭാ ഗ്രൂപ്പ്

ഇന്ധ്യയിലും വിദേശത്തും നിരവധി റിയൽ എസ്റ്റേറ്റ് പ്രൊജെക്ടുകളിലൂടെ പ്രശസ്തരായ   ശോഭ ഗ്രൂപ്പിൻ്റെ ജീവകാരുണ്യ വിഭാഗം  കേരളത്തിലെ  അനാഥരായ പെൺകുട്ടികൾക്കും പ്രായമായ സ്ത്രീകൾക്കുമായി സൗജന്യ  വീടുകൾ നിർമ്മിക്കുന്നതിനുള്ള  പേജെക്ടിനു തറക്കല്ലിട്ടു .10 വയസും അതിൽ താഴെയും പ്രായമുള്ള അനാഥരായ പെൺകുട്ടികൾക്കും 50 വയസും അതിൽ കൂടുതലുമുള്ള പ്രായമായ സ്ത്രീകൾക്കും സുരക്ഷിതമായ താമസ  സൗകര്യം നൽകുന്നതിനാണ് ഈ പദ്ധതി രൂപ കൽപ്പന ചെയ്തിരിക്കുന്നത് 

ശ്രീ കുറുംബ എജ്യുക്കേഷണൽ ആൻഡ് ചാരിറ്റബിൾ ട്രസ്റ്റാണ് പാലക്കാട് മൂലംകോട് “ദേവി ഹോമിന്” തറക്കല്ലിട്ടതെന്ന് ശോഭ ഗ്രൂപ്പ് പ്രസ്താവനയിൽ പറഞ്ഞു."ദേവി ഹോമിൽ കേരളത്തിലുടനീളമുള്ള നിർധനരും അനാദരനുമായ 72 പെൺകുട്ടികളും 72 പ്രായമായ സ്ത്രീകളുമടക്കം  144 പേർക്ക് താമസ സൗകര്യത്തെ ഒരുക്കുമെന്ന് കമ്പനി അധികൃതർ പ്രസ്താവനയിൽ പറയുന്നു.

പാലക്കാട് ജില്ലയിലെ സാമ്പത്തികമായി പിന്നാക്കം നിൽക്കുന്ന കിഴക്കഞ്ചേരി, വടക്കഞ്ചേരി, കണ്ണമ്പ്ര എന്നീ മൂന്ന് പഞ്ചായത്തുകൾക്കാണ് ആദ്യം മുൻഗണന.26,000 ചതുരശ്ര അടി ഭൂമിയിൽ പരന്നുകിടക്കുന്ന, 42,000 ചതുരശ്ര അടി ബിൽറ്റ്-അപ്പ് ഏരിയയുടെ സൗകര്യം ഭക്ഷണം, വസ്ത്രം, പാർപ്പിടം തുടങ്ങിയ അടിസ്ഥാന ആവശ്യങ്ങൾ ഇവിടെ ഒരുക്കും.കൂടാതെ പെൺകുട്ടികൾക്ക് വിദ്യാഭ്യാസ പിന്തുണയും പ്രായമായ സ്ത്രീകൾക്ക് നൈപുണ്യ പരിശീലനവും നൽകും. പൂർണമായും വനിതാ ജീവനക്കാരായിരിക്കും ഈ സ്ഥാപനം  നിയന്ത്രിക്കുക.

"സമൂഹം പലപ്പോഴും അവഗണിക്കുന്ന പെൺകുട്ടികൾക്കും പ്രായമായ സ്ത്രീകൾക്കും സുരക്ഷിതവും അനുകമ്പയും നിറഞ്ഞ ഒരു മനുഷ്യസ്‌നേഹ ഭവനം നൽകാനുള്ള ഞങ്ങളുടെ ശ്രമമാണ് ദേവി ഹോം" എന്ന് ശോഭ ലിമിറ്റഡിൻ്റെ സ്ഥാപകനും ചെയർമാനുമായ പിഎൻസി മേനോൻ പറഞ്ഞു."ശോഭയിൽ, ആവശ്യമുള്ളവർക്ക് അർത്ഥവത്തായ അവസരങ്ങൾ സൃഷ്ടിക്കുന്നതിൽ ഞങ്ങൾ വിശ്വസിക്കുന്നു, ഈ സംരംഭം അന്തസ്സും ബഹുമാനവും സ്വന്തമായുള്ള ബോധവും വളർത്തുന്നതിനുള്ള ഞങ്ങളുടെ കാഴ്ചപ്പാട് ഉൾക്കൊള്ളുന്നു," അദ്ദേഹം കൂട്ടിച്ചേർത്തു.